Պարզ լիճ
Հայաստանի հյուսիս արևելքում՝ Դիլիջան քաղաքից մոտ 14 կմ հեռավորության վրա է գտնվում Պարզ լիճը՝ տարածքի ամենահայտնի ու ամենագեղեցիկ տեսարժան վայրերից մեկը։ Լիճն ունի սողանքային ծագում և բոլոր կողմերից շրջապատված է անտառով, ինչը հնարավորություն է տալիս ավելի ընկղմվել բնության մեջ։
Պարզ լիճը հարուստ է ձկնատեսկներով, որոնց կարելի է տեսնել նույնիսկ անզեն աչքով լճի պարզության շնորհիվ։ Այստեղ հաճախ են հանդիպում տարբեր տեսակի երկկենցաղնդեր, իսկ շրջապատող անտառներում կարելի է հանդիպել նաև արջերի, սկյուռերի, անտառային կատուների, վայրի այծերի և այլ կենդանիների։ Լճից 3 կմ հեռավորության վրա ստեղծվել է տարածք եղջերուների բուծման համար։ Նրանց հեշտությամբ կարելի է կերակրել, քանի որ եղջերուները չեն վախենում մարդկանց հետ առնչությունից։
Պարզ լիճը հայտնի է նաև ճոպանուղով, որով թռչելիս դուք կարող եք վայելել լճի և այն շրջապատող բնության տեսարանը։
Պարզ լճից Գոշավանք ընկած երթուղին կուղեկցի հիանալի բնությունը, իսկ 22 կմ հեռավորության վրա գտնվում է մեկ այլ հիշարժան կրոնական կառույց՝ Հաղարծինը։
Պարզ լիճը առաջնային տեղ է զբաղեցնում բոլոր զբոսաշրջիկների և տեղացիների անհոգ ժամանցի պլանավորման ցանկում։