«Հաղարծին» Վանական համալիր
«Հաղարծին» Վանական համալիրը գտնվում է Տավուշի մարզում՝ Դիլիջան քաղաքից մոտ 18 կմ հեռավորության վրա։
Վանքի կառուցման մասին քիչ բան է հայտնի, սակայն Կիրակոս Գանձակեցին, նկարագրելով Գոշավանքի կառուցումը, նշում է, որ դրան մասնակցել է նաև Հաղարծին վանքի առաջնորդ Խաչատուր Տարոնացին, ով շենացրել էր մինչ այդ լքված վանքը։
Վանական համալիրի ավերումից հետո բազմիցս տարվել են վերակառուցման աշխատանքներ, իսկ ամբողջական վերականգման աշխատանքներն ավարտվել են 2012 թվականին։
Հաղարծինի վանքը ունի չորս եկեղեցի՝ Սբ․ Գրիգոր եկեղեցին, Կաթողիկե եկեղեցին, Սբ․ Ստեփանոս եկեղեցին, Աստվածածին եկեղեցին, երկու գավիթ (մեկը՝ ավերված), սեղանատուն, աղոթարաններ, խաչքարեր։